Vielha, 26/09/2016






¿Recuperar clau?

Sindicacion

Mès de tres centes persones ena Prumèra Corsa dera Hemna organizada des deth Servici d’Informacion e Atencion ara Hemna dera Val d’Aran
Dijaus, 13 de Març de 2014

Era passada dimenjada, eth Servici d’Informacion e Atencion ara Hemna (SIAH) deth Conselh Generau d’Aran organizèc diuèrsi actes entà commemorar eth Dia Internacionau dera Hemna, pera luta des hemnes entà auer egalitat d’oportunitats.

 

 

 

Eth dissabte, ena plaça dera glèisa de Vielha, auec lòc era lectura deth manifèst en commemoracion ath dia, a cargue dera conselhèra de Torisme, Comèrç e Consum, Anna Diaz.

 

E eth dimenge, se celebrèc era Prumèra Corsa dera Hemna, ua corsa/caminada damb un naut perfil simbòlic, entà reconéisher er esfòrç compartit per hemnes e òmes a favor dera justícia sociau e peth camin qu’encara cau recórrer entà arténher era egalitat efectiva.

 

Liéger mès...
 
Gran exit de participacion d'ua naua edicion dera hèsta gastronomica "Era Òlhada"
Dimèrcles, 12 de Març de 2014

 

 

Eth passat dimenje, Foment Torisme Val d'Aran, organizèc ua naua edicion d'"Era Òlhada", er eveniment gastronomic dedicat a un des plats tipics dera Val d'Aran: era òlha aranesa. Aguesta jornada se celebrèc en Plan de Beret, e compdèc damb era participacion dera Escòla d'Ostalaria de Les coma encargat de codinar aguest plat.

 

Liéger mès...
 
Mès de 150 inscriti, ua meteorologia esplendida e fòrça ganes de diversion barrejada damb era illusion entà hèr-se damb ua bèca d'estudis
Dimèrcles, 12 de Març de 2014

 

 

 

Un solei permanent e ua nhèu esplendida en Beret arreceberen ar esquiador, Pol Carreras, que tornèc des JJOO de Sochi hè pòqui dies e non volec perder-se era unica carrèra en Espanha que da bèques d'estudis as melhors esquiadors. Tanpòc manquèc, Ona Rocamora, qu'en acabar era carrèra expliquèc que “damb era bèca de 2.000€ è pagada ja era matricula e part deth cors der an que ven”.

 

Liéger mès...
 
Er aranés Tòn Cónsul Vivar participèc en Challenge Cup celebrat en La Haya (Olanda) en tot arténher uns fantastics resultats
Dimèrcles, 12 de Març de 2014

 

Eth joen aranés, Tòn Cónsul, artenhec era 7au posicion e era sua melhor mèrca entath Mondiau Júnior. Per çò qu'ei dera participacion des Novice Femenines, Mònica Carratalà demorèc tanben 7aua, pr’amor qu'auec petites imprecisions ena sua actuacion.

 

Liéger mès...
 
Pòdis entar equip aranés ANEC ena 19au Marxa l’Arp e 4au Micro Arp
Dimèrcles, 12 de Març de 2014

Era estacion d'esquí nòrdic de Tuixent La Vansa acuelhec era IXI Marxa l’Arp e era 4au Micro Arp, dues competicions jos era tecnica classica.

 

 

 

Era 9au Copa Catalana d'esquí de hons e era 4au Copa Nins celebrèren era Marxa l’Arp e era Micro Arp, competicions qu'aguesta sason an complit 19 e 4 edicions, respectivaments. Per çò qu'ei dera Marxa l’Arp, se disputèc en dues distàncies; 21 quilomètres entà òmes e hemnes neishudes en an 1995 e anteriors e 12 quilomètres entà òmes e hemnes de totes es edats.

 

Liéger mès...
 
Eth sindic d’Aran demane supòrt ath conseller dera Presidéncia entà pr'amor de restituïr servicis ena Val d’Aran
Diuendres, 07 de Març de 2014

 

Francesc Homs, conseller de la Presidéncia e pòrtavotz deth govèrn dera Generalitat de Catalunya, a visitat era Val d’Aran, a on l’a arrecebut ena Casa deth Senhor d’Arròs, sedença institucionau deth Conselh Generau d’Aran, eth sindic d’Aran, Carlos Barrera, acompanhat peth Plen deth Conselh Generau, peth deputat e alcalde de Vielha e Mijaran, Álex Moga, per alcalde d'Arròs e Vila, Juanjo Grijalba, e peth delegat territoriau deth govèrn, Albert Alins.

 

Liéger mès...
 
Eth ciclista aranés, Ruben Caseny, debute en eth 38au Rabobank Dorpenomloop Rucphen (Olanda)
Diuendres, 07 de Març de 2014

Ruben Caseny, ena quèrra, er an passat.

 

Eth ciclista aranés, Ruben Caseny, comence era que serà era sua prumèra sason complèta coma ciclista professionau, en tot participar aguest dimenge, dia 9 de març, ena ciutat Olandesa de Sint Wilwbort, ena 38au edicion deth trofèu “Rabobank Dorpenomloop Rucphen”.

 

Liéger mès...
 
Eth Servici d'Informacion e Atencion ara Hemna deth Conselh Generau d’Aran organize diuèrsi actes commemoratius dera hemna
Diuendres, 07 de Març de 2014
  • Eth dissabte, 8 de març, entàs 18h30, ena plaça dera gleìsa de Vielha, era conselhèra de Torisme, Comèrç e Consum, Anna Díaz, liegerà un manifèst en commemoracion des drets dera hemna

 

  • Eth dimenge, dia 9 de març, entàs 11h00, 1a Corsa dera Hemna Val d'Aran

 

 

Des deth Servici d'Informacion e Atencion ara Hemna deth Conselh Generau d’Aran, qu’eth pròplèu 9 de març s’amiarà a tèrme era Ièra Corsa dera Hemna ena Val d’Aran, 5 Km peth pòble de Vielha que se poderàn realizar en tot córrer o caminar.

 

Era gessuda serà ena plaça dera Glèisa entàs 11 ores. Eth Conselh Generau d’Aran compde damb era collaboracion deth Club Atletic Val d’Aran (CAVA) entara organizacion dera corsa.

 

Era entrèga des dorsaus e samarreteres s’amiarà eth dissabte, dia 8 de març, ena Plaça dera glèisa, des 17 as 20 ores a on se liegerà, entàs 18h30, un manifèst en commemoracion des drets dera hemna. Era lectura deth manifèst anarà a cargue dera conselhèra de Torisme, Comèrç e Consum, Anna Díaz.

 

Vos i demoram a toti. !!

 

 

 
<< Inici < Anterior 1 2 3 4 5 6 7 8 9 10 Següent > Finau >>

Resultadi 1 - 10 de 900